Damgo sa Magsoong Endong ug Ramon

Ang Barangay Ova nahimugso kini ni tungod ni sa magsoong si Tatay Pedro "Endong" ug Lolo Ramon. Wala kini Eskwelahan sa haduol na pwedeng paga tunghaan sa iyang mga lumulupyo. Tungod niini midangop ang magsoon sa tag-iya sa luna dapit sa baybayon na maoy patag nga si Doktor Rojales.

Tungod kay hasood na higala nila ang doktor ug giisip na igsoon kay sa panahon sa gira batok sa Hapon nahiadto ang pamilya sa doktor sa bukarang dapit sa Barangay Ova aron mo tago ug mahalikay sa  kagubot  ang ilang pamilya. Ang inahan ni Doktor Rojales aduna kini balatian mao nga ang gapa suso sa maong bata mao ang ginikanan ni Tatay Endong ug Lolo Ramon. Mao nga giisip nila kini nila nga igsoon.

 Tuod man gidunar ni Doktor Rojales ang luna nga paga tindugan sa skwelahan sa barangay Ova. Isip pasigungog nipasa ug ordinansa sa Munisipyo si Tatay Endong nga ang Barangay Ova pagatawagon na kini ug Barangay Rojales.

Ang Barangay Rojales usa ka paraiso nga gipuyan sa mga taga patag ug taga bukid na malinawon. Aduna kini dagat na kakuhaan sa malab-as na isda, bukid na kakuhaan sa mga lagutmon, kahoy, lubi, abaka, ug uban pang mga produkto sa bukid na maoy gikuhaan sa panginabuhian sa katawhan sa Barangay Rojales.

Ang Barangay usab adunay kaugaingong mga busay na gidagaydayan sa matin-aw na tubig gikan sa kabukiran.

Apan kining tanan daw naghinay hinay ka wala.

Usa sa mga anak ni Tatay Endong nga usa kaabag sa kaiplya sa Bargy. Rojales  ug adunay dakong kahibalo sa pagpananom sa saging buot unta mo hatag ug dugang na kahibalo para sa katawhan sa barangay na dili lang lubi ang pwedeng itanom sa barangay pwedeng itanom ang saging na adunay taas na panginahanglanon ang tibuok kalibutan sa iyang supply apan giabog kini sa iyang yutang natawhan. Ngano kaha? Wala tan-awa sa kasamtangang lumulopyo sa Barangay nga ang iyang kahibalo pwedeng mopakaon ug mo hatag panginabuhian sa Barangay Rojales. Apan giabog siya.

Aduna tindahan ang usa ka anak ni Tatay Endong nga wala gapatong ug hataas na presyo aron ang katawhan sa Barangay Rojales dili na mo adto sa Lungsod aron mangompra nga magkinahanglan ug pliti. Ang ilang pliti dugang na kini sa ilang ginansya apan kini gi-abog usab.

Ang pamilya ni Tatay Endong walay lain na tumong nga mapalambo pag balik ang panginabuhian sa Barangay Rojales. Mabalik ang kalinaw niini nga ang taga patag ug taga bukid magpuyo na hapsay sama sa pangandoy ni Tatay Endong ug Lolo Ramon nga kalambuan sa Brgy. Rojales sa katibuk-an.

Akong hangyo sa taga Barangay Rojales ayaw ninyo pasagdii na pag-ngan ug suga ang atong kadalanan. Magpuyo nga lubi ray saligan. Ayaw ninyo himua nga kahadlukan ang atong lugar.

Dili kini mao ang damgo sa magsoong Endong ug Ramon.